Ошто К. Абдыразаков көчөсүндөгү мыйзамсыз курулуш токтотулду

Ош шаарында К. Абдыразаков көчөсүнүн Б. Нурматов көчөсү менен кесилишиндеги уруксат документтери жок жүргүзүлүп жаткан курулуш иштери токтотулду.

Ош мэриясынын маалыматына ылайык, тиешелүү муниципалдык жана мамлекеттик органдардын уруксаты жок курулуш иштерине бөгөт коюлган.

Долбоорго ылайык, төрт тилкеге кеңейтиле турган көпүрөнүн астындагы аймакты жашылдандыруу каралган.

Мэрия жарандарды белгиленген талаптарды сактоого жана тиешелүү уруксат кагаздары жок курулуш иштерин жүргүзбөөгө чакырды.