Бишкекте №23 автобус каттамы эки өз алдынча каттамга бөлүндү

Бишкек шаарында коомдук унаанын ишин жакшыртуу максатында №23 автобус каттамы эки өз алдынча маршрутка бөлүндү.

Мэрия билдиргендей, бүгүн, 9-ноябрдан тарта буга чейин жарым шакекче схемасы менен каттап келген №23 автобустун ордуна эки өзүнчө каттам иштей баштады.

Мындай чечим жүргүнчүлөрдү тейлөөнүн сапатын жогорулатуу жана коомдук унаанын натыйжалуулугун арттыруу максатында кабыл алынган.

Борбор калаанын маршруттук тармагын оптималдаштыруу иштери мындан ары да улантылат.