Байтик айылындагы окуя боюнча айдоочу менен ишканага чара көрүлдү

Аламүдүн районунда жол эрежесин бузган чет өлкөлүк жаранга жана аны иштеткен ишканага жалпы 75 миң сом айып пул салынды. Бул тууралуу Чүй облустук ички иштер башкы башкармалыгынан билдиришти.

Маалыматка ылайык, 9-ноябрда социалдык тармактарда Байтик айылына жакын жайгашкан «Аламүдүн Арка» аймагында айдоочулардын ортосундагы кайым айтышуунун видеосу тараган.

Аталган факты боюнча Аламүдүн райондук ички иштер бөлүмү текшерүү жүргүзүп, окуянын катышуучуларын аныктаган.

Текшерүүнүн жыйынтыгында чет өлкөлүк жаранга 10 миң сом, ал эми аны иштеткен ишканага 65 миң сом айып пул салынган.

Мындан тышкары, окуянын катышуучуларына түшүндүрүү иштери жүргүзүлүп, мыйзам талаптарын сактоо эскертилген.