Ала-Бел ашуусунда кар жаап жатат: айдоочуларга эскертүү берилди

Бишкек – Ош унаа жолундагы Ала-Бел ашуусунда кар жаап жатат. Бул тууралуу Жалал-Абад облустук ички иштер башкармалыгынын Жол кыймылынын коопсуздугун камсыздоо бөлүмү билдирди.

Маалыматка ылайык, аталган ашуу аркылуу өтүүнү пландаган айдоочуларга кышкы дөңгөлөктөр менен жолго чыгуу сунушталат.

Учурда Токтогул районунун жол тескөөчүлөрү аба ырайынын катаал шарттарына карабастан, жаңы берилген «ЖАК» автоунаасы менен кызмат өтөп жатышат.