Бишкекте “Дени сак жашоону өзүңдөн башта” урааны менен спорттук мелдештер өтүүдө (фоторепортаж)

Аткаминерлерди коштоп чуркоо үчүн келген медицина кызматкерлеринин саны 200дүн тегерегинде болду. Алар эртең мененки саат 8ге чогулушту.

Бул сан барган сайын артып баратты. Мэриянын кызматкерлери да катарга кошулушту.

Албетте, депутат, министрлер менен чуркоо күн сайын эле мүмкүн боло бербейт эмеспи. Медицина кызматкерлери чуркоочу учурду күтүп жатышат.

Саламаттык сактоо министри Динара Сагынбаева, экономика министри Темир Сариев, социалдык өнүгүү министри Кудайберген Базарбаев, Жогорку Кеңештин депутаты Дамира Ниязалиева.

Иш-чараны КРнын Премьер-министри Жоомарт Оторбаев куттуктоо сөзү менен ачты.

“Дени сак жашоону өзүңдөн башта” урааны менен спорттук мелдештер Өкмөт үйүнүн алдынан Дөлөн Өмүрзаков атындагы стадионуна чейин чуркоо менен старт алды.

КРын Экономика министри Темир Сариев чуркоо алдында турат.

Жогорку Кеңештин депутаты Дамира Ниязалиева.

Социалдык өнүктүрүү министри Кудайберген Базарбаев: "Бүгүнкү күнү дени сак болуу модада. Анткени, биринчиден, ооруларды дарылоого адам бир топ акча каражат сарптайт. Ошондуктан ал материалдык жактан утат. Экинчиден, дени сак адам ар дайым сергек жана шайыр болот".

Жеңүүчүлөр диплом, медаль менен сыйланышат.

Жеңүүчүлөргө диплом, медаль ыйгарылды.

Армрестлинг (кол күрөш) боюнча да жарыштар өтүп жатат.

Жеңиш ээлери сыйлыктарын борбордук стадиондо алышты.

Аркан тартышка даярдоо

Аркан тартыш

Саламаттык сактоо министрлигинин астындагы мекемелердин жетекчилеринин арасындагы чуркоо мелдеши.

Бүгүн, 4-июлда Бишкекте “Дени сак жашоону өзүңдөн башта” урааны менен спорттук мелдештер Өкмөт үйүнүн алдынан старт алып, Дөлөн Өмүрзаков атындагы стадионунда уланууда.

Иш-чараны КРнын Премьер-министри Жоомарт Оторбаев куттуктоо сөзү менен ачып, мелдештер боюнча маалыматка кеч ээ болгонунан спорттук кийимин албай калып, чуркоого катышпай турганын айтты.

Старттык чуркоодо КРнын Саламаттык сактоо министри Динара Сагынбаева, КРнын Экономика министри Темир Сариев, КРнын Социалдык өнүгүү министри Кудайберген Базарбаев, Жогорку Кеңештин депутаты Дамира Ниязалиева жана 300гө чукул медицина кызматкерлери чуркашты.

Иш-чаранын жүрүшүндө К.Базарбаев “бүгүнкү күнү дени сак болуу модада” деп, бул сөзүн төмөнкүдөй далилдеп берди: “Анткени, биринчиден, ооруларды дарылоого адам бир топ акча каражат сарптайт. Ошондуктан ал материалдык жактан утат. Экинчиден, дени сак адам ар дайым сергек жана шайыр болот”.

Республикалык жана шаардык медициналык мекемелердин ортосундагы мелдештер 400 метрге чуркоо, аркан тартыш жана армрестлинг менен коштолууда.