Жаным, бүгүндөн баштап кадамым,
Сен үчүн болот басканым, жаным.
Жаным, болчу сен менин канатым,
Үйдөгү жанган чырагым, оу, жаным.

Кайырма:
Ата-энемдин тилеги,
Ыймандуу болсун келини.
Кыз күтүп жүрүп жетпеген,
Апамдын болчу шериги.

Жаным, болчу сен менин керегим,
Түгөнбөс үйдө берекем, жаным.
Жаным, ата-энем көрүп небере,
Бололу биз да ата-эне, ай, жаным.

Кайырма:
Ата-энемдин тилеги,
Ыймандуу болсун келини.
Кыз күтүп жүрүп жетпеген,
Апамдын болчу шериги.
Кыз күтүп жүрүп жетпеген,
Апамдын болчу келини.

Сизге сыйым, сизге урматым,
Үмүтүм да сизде, кымбатым.
Жан адамга айтпас сырымды,
Сизге ыраа көрүп ырдадым.
Табыштадым сизге баарысын,
Сиз таптыңыз жүрөк дарысын.
Сизге буйруп менин бактымды,
Сөздөрүмдүн кызыр дарысын.

Кайырма:
Сизге арнадым ушул түнүмдү,
Түнүм эмес, күндүз күнүмдү.
Тагдырымдын буйругу экен,
Сизге багыштадым сүйүүмдү.

Ачуу белең, жашоо чындыгы?
Сабырымды сезим кыйдыбы?
Экиленбей эркимди бердим,
Ашыктыгым мажбур кылдыбы?

Кайырма:

Сенин көзүң өзгөчө, окшобогон өзгөгө,
Топ элдердин ичинен тартат дайым өзүнө.
Тиктей калса карегиң сезимдерим серпилет,
Токтоп саамга дүнүйө калуучудай сезилет.

Кайырма:
Жүрөктүн кылын чертип жай гана,
Жүрөсүң кылыктанып наздана.
Көзүнө окшобогон башканын,
Көздөрүң сенин башкача.

Сенин көзүң башкача, окшобогон башкага,
Керемети байкалат ак сүйүүнүн тап-таза.
Карагаттай көзүңдү карагандан аянам,
Дүйнөдөгү сулуулук көздөрүңдөн тараган.

Алсырап, жаным кейип турган кезде,
Опол тоо жөлөк болуп койбойсуңбу?
Билбедим, же байкабай жүрөсүңбү?
Же мени оорубайт деп ойлойсуңбу?

Муңканып муунум бошоп турган кезде,
Күн болуп, кабакты ачып койбойсуңбу?
Билбедим, же байкабай жүрөсүңбү?
Же мени кейибейт деп ойлойсуңбу?

Сезимдер толкуп-ташып турган кезде,
Сен мага жылуу сүйлөп койбойсуңбу?
Байкабай, же түшүнбөй жүрөсүңбү?
Же мени сүйө албайт деп ойлойсуңбу?

Ширин сөзү, жылдыз өзү,
Аруулугу ак кардай.
Кызыл эрини, кымча бели,
Кылыгы бар баладай.
Жарык жылдыз бир сулуу кыз,
Кетти жанды жаралай
Сүйүп калып, күйүп жанып,
Куса болдум аябай .

Кайырма:
Ай, ай, ай, Айжан,
Көңүл сен деп сокту
Селт этпейсиң сезимге
Сенде жүрөк жокпу?
Ай, ай, ай, Айжан,
Кыйнабай көп мени
Жүрөгүмдүн түбөлүк
Болчу сен көктөмү.

Жүзү жаркын, өзү алтын,
Жактырганым чын, сулуу.
Колу иштүү, маржан тиштүү
Тең келбейт го миң сулуу.
Сенсиз жаным убай мага,
Унуткандай күн чыгуу
Сенсиз өмүр бул жашоодо
Өмүр эмес, тумчугуу.

Адамы жок тоолордун арасынан,
Арамы жок махабат талаасынан
Калкып учкан көктөгү булуттардай
Учкум келет, айыл, сага карай.

Кайырма:
Булуттардай, булуттардай,
Учкум келет, айыл, сага карай.
Булуттардай, булуттардай,
Учкум келет, айыл, сага карай.

Кере жутуп булактын тазасынан,
Кең Ала-Тоо жайлоонун абасынан,
Калкып учкан жайдары булуттардай
Учкум келет, айыл, сага карай.

Кайырма:
Булуттардай, булуттардай,
Учкум келет, айыл, сага карай.
Булуттардай, булуттардай,
Учкум келет, айыл, сага карай.

Кылымдардан кылым карытып,
Кызыл-Суунун суусу агылып.
Бал жыттанган таттуу кымыздай,
Туулган жердин суусун сагындым.
Жүрсөм дагы алыс араңдан,
Ата Журтум кетпей санаамдан.
Акыл айтып, асыл кеп айткан,
Аталардын кебин сагынам.

Сары-Ой менен Көк-Ой тоосунан,
Бүркүт шаңшып, күкүк сайраган.
Ышкын терип аска-зоосунан,
Жүргөн күнүм эстеп сагынам.
Жылаңайлак, чырпык ат минип,
Жылгалардан тунук суу кечип.
Балтырымды тилип караган,
Балалыгым эстеп сагынам.

Коңур-Дөбө - жайлоо, жашыл төр,
Коңур желдүү, салкын, асыл жер.
Кокту, белес, күнгөй-тескейден,
Кой кайтарган күнүм сагынам.
Түндүгүнөн түтүн булатып,
Апам жапкан нанды сагынам.
Үйүр-үйүр жылкы айдаган,
Атам жүргөн жерди сагынам.
Үйүр-үйүр жылкы айдаган,
Атам жүргөн жерди сагынам,
Апам жапкан нанды сагынам,
Балалыгым эстеп сагынам.