Биз барганда ээрчишип Айгүл тоого,
Ай тийиптир эми эле аркы зоого.
Ай алдында шамалга ыргалышат,
Айга тосуп жүздөрүн өйдө боло.

Кайырма:
Айгүл гүлү өзүңдөй ачылыптыр,
Ар бир сабы мончоктой гүлгө толо.
Ааламдагы гүлдөрдүн ханышасы,
Арнагым бар өзүңө ырга кошо.

Айгүл дагы бизге окшоп сагынгандыр,
Мээрим чачкан асманда жылдыз толо.
Жоодураган көздөрүң гүлдөй жайнайт,
Менин колум белиңе оролгондо.

Кайырма:

Биз өткөргөн кадыр түн Айгүл тоодо,
Биринчи эмес миң ирет дагы болсо.
Берер элем өмүрдү өзүң үчүн,
Айгүлүмдөй тунугум керек болсо.

Кайырма:

Карындаш, астачы,
Тетири баспачы.
Жакшы эле жигитмин,
Көз кырың таштачы.

Көзүмдү ала албай,
Артыңдан барам жай.
Сезилдиң эң жакын,
Эң жакын адамдай.

Жароокер күлгөнүң,
Эстетет сүйгөнүм.
Сен анын сиңдиси,
Же болуп жүрбөгүн?

Көздөрү кара эле,
Сүйүүгө зар эле.
Эки жак ууртунда,
Уяча бар эле.

Кечиргин, карындаш,
Адам жок жаңылбас.
Бар эле сүйгөнүм,
Ал эми табылбас.

Сымбаты таптаза,
Окшошуп жатса да.
Сүйгөнүм бар эле,
Жүрөгү башкача.

Сагынамын, санаам тынбайт, алыстасаң,
Озун болдуң жүрөгүмдөн орун тапкан,
Биздин бакыт, биздин сүйүү - махабат дастан.
Түбөлүккө бакыт жолун тандаганбыз,
Келечекке кадам таштап, байланганбыз,
Болгом жарың, махабатың, түбөлүк жаның.

Кайырма:
Жараткан берген,
Жүрөк ээлеген.
Балдай сезимдин бүт керемети,
Жалгыз сүйүүм сен.
Мен бакытым сен дейм,
Башкага бербейм,
Бакытым сен дейм.

Кыйналганда колдоп турган махабатым,
Ааламда жок жылуулукту сенден таптым.
Бул дүйнөдө баасы чексиз өзүңсүң жаным.
Жүрөгүмдө сезимдерим оттой жана,
Жашырбадым ал сезимди бул кайрыкта.
Бир бололу, кылым басып, жүрүп жанаша.