Бирде жыртып, бирде өрттөйм, жазган катымды,
Атай албайм, жаза албай сенин атыңды.
Билсең мага жагарыңды,
Түшүнмөксүң абалымды,
Көтөрбөстөн баркыңды.

Кайырма:
Сумсайтпастан сунган колду,
Ак сүйүүмдү билсең болду.
Улагада отурамын,
Уйкусурап карап жолду.

Менден качпа, тетири баспа, салба артыңды,
Сүйүп алам, сыйлап алам сендей алтынды.
Толуктачы катарымды,
Кошчу турмуш сапарыңды,
Көкөлөтпөй баркыңды.

Кайырма:
Сумсайтпастан сунган колду,
Ак сүйүүмдү билсең болду.
Улагада отурамын,
Уйкусурап карап жолду.
Сумсайтпастан сунган колду,
Сүйөрүмдү билсең болду.
Улагадан тосуп алар ,
Күткөн бар деп
Билсең болду.

Билип койчу, угуп койчу, берем антымды,
Ырлар жазып чыгарамын сенин даңкыңды.
Бийик болсоң бийик сүйөм,
Жан дүйнөмдү ийип сүйөм,
Көтөрө бер баркыңды.

Жаңы турмуш улакмак,
Жакшы го дейм бул адат.
Келин келсе биздин эл,
Кут келгендей кубанат.
Кары –жашы чогула,
Калбай келет тоюна.
Боорсок чачып башына,
Тыйын чачат жолуна.

Түшүнүп ал сен эми,
Боорсок чачкан себебин.
Ыйык нандай табылгыс,
Ак жолтой бол дегеним.
Тыйын чачкан себебин,
Сырын чечип берейин.
Дүнүйөгө келиним,
Кароо болбо дегеним, эй.

Кыздар аста гүлкүлдөп
Бөбөктөрү бүлкүлдөп.
Келин жанында отурат,
Көшөгөдө үлпүлдөп.
Мүнөздөрү өзгөрүп,
Ой үстүнөн өчүрүп.
Келечегин ар кимдин,
Көз алдынан өткөрүп .

Бүгүн баары башкача,
Мөл булактай таптаза.
Ар киминин дилинен,
Оргуп чыккан ак бата.
Жакшылыгын ашырган,
Жамандыгын жашырган.
Бүлөө болгун ак жолтой,
Жолук түшпөй башыңдан.

Кайрымдуу бол карыңа,
Жагымдуу бол жарыңа.
Өз өзгө деп чектебей,
Бирдей кара баарына.
Алпештеген эл дагы,
Алдыңдагы жер дагы.
Жакшы болсоң сен эгер,
Жарың менен тең кары.
Наристелер төрөлсүн,
Ак бешике бөлөнсүн.
Ортоңордон жыл өтпөй,
Көшөгөңөр көгөрсүн.
Балкытып кош денемди,
Бата берет эл эми.
Келеркиде оомийин,
Бешик тойго келели.

Баланы кимдер сүйбөгөн,
Бапестеп багып күйбөгөн.
Баласы үчүн жок чыгар,
Башына азап үйбөгөн.
Тумоолоп калса баласы,
Түгөнөт экен аргасы.
Берүүгө даяр жанын да,
Болсо эгер анын айласы.

Кызыгы болбос дүйнөнүн,
Кыйналып бала бакпаса.
Унутат кыйын күндөрүн,
Эмгегин уулу актаса.
Элжиреп ойлоп күнү-түн,
Эртеңден үзбөй үмүтүн.
Ээси болуп жашоонун,
Эне-ата жашайт бала үчүн.

Балдарым - менин кымбатым,
Балдарым - менин сырдашым.
Жаралбай калганда алар,
Жашамак беле кур башым?
Бала деп согот жүрөгүм,
Бала үчүн жашап жүрөмүн.
Бел байлап мындан ары да,
Бала үчүн өмүр сүрөмүн.
Бассам да, турсам тилегим,
Балдарга өмүр тилеймин.
Баарынан күчтүү сезим бул,
Бала сүйүү деп билемин.

Ты войдешь в наш старый дом,
И откроешь дверь ключом.
И из фотографий на столе,
Ты выберишь одну.
Бережно возмешь рукой,
Пыль смахнешь и голос мой
Сквозь года прошепчет вновь
Я тебя люблю.

Кайырма:
Верни мою мне жизнь назад
И тот осенний листопад,
Где мы ловили в жизни нить
Последную звезду.
Открой окно мне в ту страну,
Куда с тобой лишь я дойду
И между прошлым и будущим
Сотри разлук черту.

Где-то на краю вселенной, в памяти моей
Бьется сердце моей милой,
Что разлук сильней.
Бьется вопреки преградам
И она всегда мне рада
Лишь бы взять мне и решиться
Сделать шаг тебе скорей

Кайырма:

Бывает так что встанут звезды,
На перекор судьбы
И жизнь моя шаги считая
Вернет мне блеск любимых глаз.

Ай сулуу кыз аткан таңдай,
Көңүл учту сага карай,
Карайм карегимди албай...
Тилегиңиз жанга дос бекен?
Жүрөгүңүз али бош бекен?
Кечиктимби мен ай, билемин кандай?

Баатыр жигит болчу Абай,
Сендейлерди көргөм далай.
Анча, ашыкпаңыз андай...
Жүрөк ээси болуу урмат го,
Аны ачуу сизге кымбат го,
Ачкычын да албай,
Ачасыз кандай?

Кайырма:
Ачып алам, оңой жолу керек,
Ашык адам тапкыч болуу керек.
Максаттарын бийик коюу керек,
Эки жүрөк бирдей согуу керек.
Көзүңүздү жатка ыйгарбай,
Өзүңүздү бекер кыйнабай.
Бөлүнбөй, биз күндө, бололу бирге!

Кабагыңа конгон Күн-Ай,
Карегиңе толгон чырай,
Сени шүгүр берген Кудай.
Сезимиңди арнап келсең ай,
Эркелеген менин эркем ай.
Бакытты далай, көрөлү ары карай.

Эркелетип эчен курдай,
Кылыгыма жүрсөң чыдай,
Бактылуу боломун тынбай.
Сен болосуң менин шерим ай,
Мен болоюн сенин теңиң ай,
Сүйүүмдү арнай, жүрөйүн талбай.

Кайырма:
Ары жагы биздин багыбыздан,
Арылалы жалгыз жагыбыздан.
Сагыналы ойлоп таңыбыздан,
Табылалы дайым жаныбыздан.
Көзүбүздү жатка ыйгарбай,
Өзүбүздү бекер кыйнабай,
Бөлүнбөй, биз күндө, бололу бирге!