Сага ким айтты жалгандарды ишендиңби
Алтыным айтпастан кош дедиңби.
Сага канткенде жолугамын дарегиңди билдирсеңчи,
Таарынып мага кеттиңби?

Кайда жүрбө сен болгун аман,
Сени ойлоп сагынамын кайгыга батам.
Кайдасың сен качан жолугам,
Сүйөрүмдү сага айтпай жүрөктө катам.

Кайырма:
Жалгызымдан айрылдым,
Адаштыбы бакытым
Балдай туттуу сөзүңдү,
Жылмайган жүзүңдү
Эңсеп сагындым.
Жалгызымдан айрылдым,
Адаштыбы бакытым
Балдай туттуу сөзүңдү,
Жылмайган жүзүңдү
Эңсеп сагындым.

Сага ким айтты жалгандарды ишендиңби
Алтыным айтпастан кош дедиңби.
Сага канткенде жолугамын дарегиңди билдирсеңчи,
Таарынып мага кеттиңби?

Бул дүйнөдө сен деп жашаймын,
Жалгызымсың ак сүйүүмдү сага арнаймын.
Үмүт үзбөй жолуң караймын,
Келчи мага шам чырагың болуп жанайын.

Кайырма:

Жүргөндүрсүң сен, колуң карматып,
Менден да башка ардагың бардыр.
Тагдырга жаным таарынгандай
Тушалып калдым сага бара албай.

Тарынбагын сен тагдырың башка
Жабыркадым мен таппастан айла
Жолубуздан биз адаштык окшойт
Жүрөгүм сыздап өзүңдү жоктоп.

Жары болорсуң сен башканын
Ардактап сыйлап арзыган дайым
Айтылган таттуу тилектер кайда?
Кош болгун жаным, кош бол ардагым.

Асман тунук, ай тунук, көл да тунук,
Алмаз сымал көп ойлор менде тунуп.
Сезип калдым ай мөлмөл ак сүйүүңдү,
Сен отурган булакта мен да отуруп.

Сен дагы сездиң бекен, туйдуң бекен?
Махабат күүсүн черттим нечен, нечен.
Баардыгы өлбөс болуп сага арналат,
Карааның карегимде калды бекем?

Асман тунук, ай тунук, көл да тунук,
Алмаз сымал көп ойлор менде тунуп.
Сезип калдым ай мөлмөл ак сүйүүңдү,
Сен отурган булакта мен да отуруп.

Сүйгөнүңө ишенгенмин, ишенгенмин берилип,
Кызганчу элем башкалардан, башкалардан теригип.
Көрбөй калсам бир мүнөткө, бир мүнөткө өзүңдү,
Бүткүл жашоом токтогондой, токтогондой сезилип.

Кайырма:
Эркелетип саамайымдан сылаган,
Күндөрдү эңсейм менден алыс узаган.
Өзүңдү эңсейм, арман, ай, аттиң, арман,
Чыкчу күнүм бар бекен бир кумардан?

Махабаттын жазын билбей, жазын билбей өмүрүм,
Тетир баскан караңгыдай, караңгыдай көңүлүм.
Миң мертебе суроо салам, суроо салам өзүмө,
Чын-жалганын билбей айткан сөзүңдүн.

Кайырма:

Азап салып койсоң деле, койсоң деле башыма,
Ал күндөрдү эстейм дайым, эңсейм дайым сагына.
Мен сүйүүмдүн жоготсом да, жоготсом да ачкычын,
Ыраазымын бир өзүңдүн, бир өзүңдүн барына.

Сен тоо гүлүндөй ачыласың,
Чачкандай көктөм ары чачыласың.
Мени бир узун түндө уктабастан,
Бир жүргөн күндү, түндү сагынамын,
Эй, сагынамын.

Кайырма:
Кантем, оо, сен жанымда жүрсөң кана?
Өзүмдү арнамакмын жалгыз сага.
Аттиң арман, аттиң арман,
Жетпей калган сүйүү жалган.
Жашайбыз жазылган тагдыр менен,
Аттиң арман.

Сен эми гүлкайырсың гүлүн ачкан,
Жан дүйнөм жалгыздыкка сырын ачкан.
Шооласы болсом айдын атаганат,
Түндөсү терезеңден нурун чачкан,
Эй, нурун чачкан.

Кайырма:
Кантем, оо, сен жанымда жүрсөң кана?
Өзүмдү арнамакмын жалгыз сага.
Аттиң арман, аттиң арман,
Жетпей калган сүйүү жалган.
Жашайбыз жазылган тагдыр менен,
Аттиң арман.

Сен неге тоо гүлүндөй кулпурасың?
Эркимде эми сиз деп отурамын.
Жүрөктү кусалыкка салып коюп,
Кай жерде жүргөн экен жан кубатым?
Эй, жан кубатым.

Кайырма:
Кантем, оо, сен жанымда жүрсөң кана?
Өзүмдү арнамакмын жалгыз сага.
Аттиң арман, аттиң арман.
Жетпей калган сүйүү жалган.
Жашайбыз жазылган тагдыр менен,
Аттиң арман.

Муздаса жүрөгүң чокту салайын,
Чаңкасаң булактай шылдыр агайын.
Жылдыз толгон түндө жаныңа барайын,
Кайгырса жүрөгүң, дартыңды табайын

Кайырма:
Жалындап оттой күйөмүн,
Жашырбай сени сүйөмүн.
Жанымдан кетсең алыстап,
Жабыркап калат жүрөгүм.

Бир көрүп жактырдым жылмайган жүзүңдү,
Жактырдым жароокер карагат көзүңдү.
Аздектеп уксам да асылкеч сөзүңдү.
Айта албай турамын апапак сүйүүмдү.

Кайырма:

Муздаса жүрөгүң чокту салайын,
Чаңкасаң булактай шылдыр агайын.
Жылдыз толгон түндө жаныңа барайын,
Кайгырса жүрөгүң, дартыңды табайын

Сыйларым энекем,
Жыргалым энекем.
Ырларым энекем,
Асыл энем, жаш кезимден,
Мээнетиңди баалаймын.
Сенсиң менин бул дүйнөдө,
Эч табылгыс таалайым.

Узак жашап жүрөгүңдүн,
Жаш болушун каалаймын.
Ыраа көрбөйм кайгы-муңга,
Бүркөлбөсүн маанайың.

Кайырма:
Энекем, сенсиң сыйлаарым,
Ырысым, бүтпөс жыргалым.
Атыңды салып обонго,
Ардактап сени ырдадым,
Оболойт сен деп ырларым.

Жан дүйнөмө жарык берген,
Бир өзүңсүң, энекем.
Байлыгым сен, бакытым сен,
Эч түгөнгүс берекем.
Кайдан басса балам деген,
Мээрим ысык энеден.
Бул жашоомдун шам чырагы,
Сенсиң энем, сен энем.

Кайырма:
Энекем, сенсиң сыйларым,
Ырысым, бүтпөс жыргалым.
Атыңды салып обонго,
Ардактап сени ырдадым,
Оболойт сен деп ырларым.

Сыйларым, энекем,
Жыргалым, энекем,
Ырларым, энекем.

Оо, энем
Асыл энем, жаш кезимден,
Мээнетиңди баалаймын.
Сенсиң менин бул дүйнөдө,
Эч табылгыс таалайым.
Мен кубансам кошо күлүп,
Мен ыйласам ыйлайсың.
Ооруба деп кайра-кайра,
Ден соолугум сурайсың.

Кайырма:
Энекем, сенсиң сыйларым,
Ырысым, бүтпөс жыргалым.
Атыңды салып обонго,
Ардактап сени ырдадым,
Оболойт сен деп ырларым.
Энекем, сенсиң сыйлаарым,
Ырысым, бүтпөс жыргалым.
Атыңды салып обонго,
Ардактап сени ырдадым.
Оболойт сен деп ырларым,
Жыргалым, энекем.

Түнөрбөгөн ынагым,
Күн кезиккен себепсиз.
Бакытка да, күйүткө,
Биз экөөбүз себеппиз.

Кайырма:
Түгөйүм, ай түгөйүм,
Жаз гүлүндөй гүлдөгүн.
Беш күндүк бул дүйнөдө,
Балын ичели өмүрдүн.

Шерик болгун өмүргө,
Муз салбагын көңүлгө.
Тирөөч болуп өрүүдө,
Орток болгун өмүрдө.

Кайырма:

Келди бизге жылуулук,
Өчүрүп аны албайлы.
Жаман өттү өмүр деп,
Өксүүдө биз калбайлы.

Кайырма:

Томсортуп мени таштап кетип калдың,
Өзүңдөн мен алыстап жалгыз калдым.
Эми биз жолукпайбыз,
Ак сүйүүм кайталангыс,
Өзүңдү элестетип турамын сенсиз жалгыз.
Сенсиз жалгыз.

Бир болбой эки жүрөк эзилбеди,
Жанашып сүйүү сыры чечилбеди
Жылдыздай көздөрүңдү,
Сагындым күлгөнүңдү,
Кайрадан көргүм келет
Ардагым бир өзүңдү.

Ойлонтуп сезимимди бийлеп алдың,
Жүрөктү ээлеп алып ырга айландың.
Таарынчың жазылабы,
Ак сүйүүм кайрылабы?
Таңдагы жанып турган,
Чолпондой ачылабы?

Аста басып, аярданып туруп турчу, сулуу кыз,
Алтын баалуу сөз айтайын, угуп турчу, сулуу кыз.
Э-эй, сулуу кыз, о-ой, сулуу кыз.

Эгер сүйсөң кадырыма жетер белең, жаш жигит,
Жүрөгүмдө терең сырды чечер белең, жаш жигит?
Э-эй, жаш жигит, о-ой, жаш жигит.

Талыкпастан бирге ойноп жүрөр белең, сулуу кыз?
Талаайыма табыштырса сүйөр белең, сулуу кыз?
Э-эй, сулуу кыз, о-ой, сулуу кыз.

Жүрөгүмө сүйүү отун жагасыңбы, жаш жигит?
Саамайыма жаздын гүлүн тагасыңбы, жаш жигит?
Э-эй, жаш жигит, о-ой, жаш жигит.

Кымбат баалуу жаш өмүрдүн баркын билгин, жаштар, ай,
Кырчын убак кайрылбасын баалай билгин, жаштар, ай.
Э-эй, жаштар, ай, о-ой, жаштар, ай.