Сени менен даалай түндү,
Бирге ойноп биз өткөрдүк.
Махабаттын кызыл гүлүн,
Биз жайлоодо көп тердик.
Сен да мени, мен да сени,
Алтыным деп жалооруп.
Түбөлүккө бир болууга,
Жылдыздарга сөз бердик.

Кайырма:
Сүйөм сени дале сүйөм,
Сүйкүмдүүсүң алтыным
Акырына чыга албадың,
Мага берген анттыңдын.

Сенин сүйүүң азыр мага,
Калагы жок кайыктай.
Ошол бойдон кала берген,
Сыздап жүрөк айыкпай.
Чынын айтсам бул дүйнөдө,
Биздей ынак болбогон
Мен өзүмө нааразымын,
Махабатым кордогон.

Кайырма:

Көк жашыл шибер өстөнүм,
Гүлүңдү терип өскөмүн.
Көрүнүп көзгө элестейт,
Көлдөлөң сымал чөптөрүң.
Өскөмүн сенден өскөмүн.
Ойноок жаш даалай төккөмүн.
Серүүндөп жүрүп боюнда,
Сүйгөнүм даалай, жигиттим даалай өпкөмүн.

Чачтарга бубак себелеп,
Беттерди бырыш чегелеп.
Өмүрлөр жылса алдыга,
Өткөндү эстеп не керек.
Жашынмак ойноп алгандай,
Жашоонун жолу ар кандай.
Жалжылдап карай беремин,
Жаштыгым сенде, балалык сенде калгандай

Арт жакка карай кылчайса,
Ар кимдер ойлоор өткөнүн,
Канчалык чабыттаса да.
Ким тапмак жаштык көктөмүн
Жаарда булут көчкөндөй
Жаштыкты текке өткөрбөй
Жаңыча шилтеп кадамды,
Жашообуз болсун, өмүрлөр болсун көктөмдөй.

Татына жылмаясың,
Талпынтып ыр канатын.
Байланып кирпигиңе,
Бакыттай бир карашын.

Кайырма:
Махабатым, махабатым,
Гүл болуп ыргаласың.
Күн болуп нурданасың,
Жашоодо жакшы обондой.

Алтын чач, мөл булагым,
Тамчыдан көл курадың.
Кумарлуу көл жээгинде,
Кубанып мен турамын.

Кайырма:

Сен үчүн жандырамын,
Сезимдин шам чырагын.
Ыйбалуу наздыгыңды,
Ырыма калтырамын.

Кайырма:

Кайырма:
Зарыгып күтөр махабат калаасы,
Ак сүйүүм менин аячы, аячы.
Зарыгып күтөр махабат калаасы,
Жүрөктү сендик аячы, аячы.

Жолумдан чыкчы бөлүнүп нурларга,
Ардагым сенсиң бир гана, бир гана.
Жолумдан чыкчы бөлүнүп нурларга,
Ардагым сенсиң бир гана, бир гана.

Кайырма:
Зарыгып күтөр махабат калаасы,
Ак сүйүүм менин аячы, ыячы.
Зарыгып күтөр махабат калаасы,
Жүрөктү сендик аячы, аячы.

Сезимдер калды сага алтылбай,
Жүрөк ырдасын сенден тартынбай.
Сезимдер калды сага алтылбай,
Жүрөк ырдасын сенден тартынбай.

Кайырма:

Сапырылган сары жалбырак,
Санааларга мени азгырат.
Терезеңе келип тигилсем,
Үнсүз дарак тиктейт жалдырап.

Кайырма:
Жаш жүрөгүм мынча кайгырды,
Көңүл кушун кимге алдырды.
Күзгү нөшөр тынбай төгүлөт,
Көздөрүңдөн жааган жамгырбы?

Теребел да мынча көңүлсүз,
Теректер да ойдон бөлүнгүс.
Тегерете курчап буюмдар,
Термелише тиктейт өзүңсүз.
Кайырма:

Болом деген өзүң түбөлүк,
Асман дагы бүркөө түнөрүп.
Өзүң тургай атың укканда,
Жүрөгүмдөн турчу гүл өнүп.