Аида Салянова саясий интригалар үчүн президенттин тегерегиндеги адамдарды айыптады

Бүгүн, 11-февралда маалымат жыйынында мурунку башкы прокурор Аида Салянова "мага каршы саясий интригаларды уюштурду" деп президенттин тегерегиндеги адамдарды айыптады. "Коомчулукта Данияр Нарымбаев (президенттик аппараттын башчысы - ред.) мени кызматтан кетирүүдөгү эң негизги адам деп айтылууда. Бирок мен анын анчалык олуттуу тиешеси жок деп ойлойм. Мага каршы чыккандардын аттарын атагым келбейт. Бул менин принциптериме дал келбейт, бирок алар президенттин тегерегиндеги адамдар",- деди Салянова.