Өлкөнүн инфраструктуралык долбоорлорунун портфели 23 миллиард доллардан ашты

Кыргызстандын инфраструктуралык долбоорлорунун жалпы жыйындысы 23 миллиард доллардан ашты. Бул тууралуу Инвестициялар боюнча улуттук агенттиктин директору Равшанбек Сабиров "Кабар" агенттигине берген маегинде билдирди.

Анын айтымында, 2026-жылдын алты айында инвестициялардын көлөмү өткөн жылдын ушул мезгилине салыштырмалуу 26,2 пайызга өскөн.

Ошондой эле 2023-жылдан 2026-жылга чейинки мезгилде жалпы суммасы 11,8 миллиард долларды түзгөн 88 инвестициялык келишимге кол коюлган.

Сабиров өлкөдө мамлекеттик-жеке өнөктөштүк механизмдери аркылуу да инвестициялык долбоорлор активдүү ишке ашырылып жатканын белгиледи. Учурда алардын саны жүздөн ашат, ал эми жалпы портфели 475 миллиард сомдон жогору.