ӨКМ:Кыргызстандын тоолуу райондорунда кар көчкү түшүшү мүмкүн

7-марттан 11-мартка чейин абанын температурасынын жогорулашына жана күтүлүп жаткан жаан-чачынга байланыштуу, Кыргызстандын тоолуу райондорунда, Бишкек-Ош унаа жолунун 121-137-жана 198-265-чакырымында, Каракол-Эңилчек унаа жолунун 45-90-чакырымында, Мырзаке-Кара-Кулжа-Алайкуу унаа жолунун 45-90 жана 145-150-чакырымында, Ала-Бука-Каныш-Кыя унаа жолунун 62-100-чакырымында кар көчкү түшүүсү күтүлөт. Буга байланыштуу ӨКМ аталган аймактарда айдоочулар унаалардын ортосунда 500 метр аралыкты сактап жол жүрүү керектигин эскертет .