Алмазбек Атамбаев Орусия менен Европаны компромисске келүүгө чакырды

Президент Алмазбек Атамбаев Ангела Меркель менен бирге өткөргөн маалымат жыйынында журналисттер тарабынан берилген бир катар суроолорго жооп берип жатып Орусия менен Европаны компромисске келүүгө чакырды. "Кыргыз мамлекети Германия менен гана эмес, Европа менен да толук кандуу кызматташууга кызыкдар. Биз азыр Украинадагы согуштун кесепеттерин, Европа менен Орусиянын ортосундагы кризисти сезип жатабыз. Ортолорундагы мамиленин мурдагы абалына келүүсү үчүн компромисске келүүгө чакырабыз", - деди Атамбаев.