"Атамбаевдин айланасындагы 15 адамдан мародёрлук боюнча шек санап жатам. Алардын бири Мискенбаев" дейт Текебаев

"Президент Алмазбек Атамбаевдин айланасындагы 15 адамдын 2010-жылдагы мародёрлукка тиешеси бар болушу мүмкүн". Мындай пикирин бүгүн, 19-сентябрда маалымат жыйынында Жогорку Кеңештеги "Ата Мекен" фракциясынын лидери Өмүрбек Текебаев билдирди.

"Апрель окуясында курман болгондордун туугандарына бөлүнгөн каражатты КСДПчы депутат Мээрбек Мискенбаев жеп салган. Муну Улуттук коопсуздук мамлекеттик комитети тастыктап жатат. Эми тергөө жүргүзүлүп, иш аягына чейин чыгышы керек. Тергөөнүн объективдүү жүрүшүн президент камсыздап бериши керек. Атамбаев мародёрлорду издеп жатабы, өзүнүн партиясынан издесин, табылат. Менин колумда тиешелүү документтер жок болгондуктан, мен шек санап жаткандардын аттарын айта албайм. Бирок бүгүн болбосо, бир жылдан кийин далилдер табылат", - деди Текебаев.