Садыгалиев көчөсүндөгү өрт 2,5 миң чарчы метр аянтты чапчыды

Садыгалиев көчөсүндөгү өрт 2500 чарчы метр аянтты чапчыды. Бул тууралуу Өзгөчө кырдаалдар министрлигинен билдиришти.

"Өрттөн жабыркагандар жок. Учурда өчүрүү иштери жүрүп жатат. Такталган маалыматка ылайык, өрт күйүүчү-майлоочу каражаттарды сактаган кампада чыккан", - деп айтылат ӨКМнын маалыматында.

Айта кетсек, өрт тууралуу маалымат бүгүн саат 13:03 чамасында келип түшкөн. Анда Садыгалиев көчөсү менен Л.Толстой көчөсүнүн кесилишинде пенобетон чыгаруучу заводдо өрт чыкканы айтылган. Кийин өрт күйүүчү-майлоочу каражаттар сакталган кампада чыкканы белгилүү болду. Учурда кырсык болгон жерде 6 өрт өчүрүүчү унаа иштөөдө.