Серж Саргсян: "Армениянын ЕАЭБдеги өлкөлөр менен соода жүгүртүүсү 15 пайызга өстү"

Армениянын ЕАЭБге мүчө мамлекеттер менен соода жүгүртүүсү 2016-жылы 15 пайызга өстү. Бул тууралуу 14-апрелде Армениянын президенти Серж Саргсян Бишкекте өтүп жаткан жыйында билдирди. Президент акыркы жылдары Армениянын ички дүң продукциясынын көлөмү кыйла өскөнүн, агрардык тармакта, экспорт жаатында жылыш бар экенин билдирди.

Бишкекте бүгүн, 14-апрелде Жогорку Евразиялык экономикалык кеңештин жыйыны өтүүдө. Ага Кыргыз Республикасынын президенти Алмазбек Атамбаев, Орусиянын президенти Владимир Путин, Казакстандын президенти Нурсултан Назарбаев, Армениянын президенти Серж Саргсян, Беларустун президенти Александр Лукашенко катышууда.