Жогорку Евразиялык экономикалык кеңештин кийинки отуруму Москвада өтөт

Жогорку Евразиялык экономикалык кеңештин жыйынында 10 маселе каралды. Бул тууралуу жыйындан кийин Евразиялык экономикалык комиссиянын коллегиясынын төрагасы Тигран Саркисян билдирди.

ЕАЭБдеги өлкөлөрдүн экономикалык маселелери, эл аралык кызматташтык, Казакстандын Евразиялык экономикалык комиссиядагы министрлерин артка чакыртып алуу, ордуна башка талапкерлерди сунуштоо өңдүү маселелер каралган. Кеңештин кийинки жыйыны 2017-жылдын октябрында Москвада өтөт.

Бишкекте бүгүн, 14-апрелде Жогорку Евразиялык экономикалык кеңештин жыйыны өттү. Ага Кыргыз Республикасынын президенти Алмазбек Атамбаев, Орусиянын президенти Владимир Путин, Казакстандын президенти Нурсултан Назарбаев, Армениянын президенти Серж Саргсян, Беларустун президенти Александр Лукашенко, Молдованын президенти Игорь Додон катышты.