Алмазбек Атамбаев 2,5 саатта журналисттердин 60тан ашык суроосуна жооп берди

Президент Алмазбек Атамбаевдин бүгүн, 20-ноябрдагы маалымат жыйыны 2,5 саатка созулду. Башында 2 саатка деп пландалган жолугушуу жарым саатка узарып, акырында Атамбаев журналисттер менен жылуу маанайда коштошту.

2,5 сааттын ичинде мамлекет башчы 60тан ашык суроого жооп берди. Президенттик аппараттын билдиришинче, Алмазбек Атамбаевдин президент катары берген акыркы маалымат жыйынына 140тай журналист, саясат таануучулар, эксперттер катышты.

Жаӊы шайланган президент Сооронбай Жээнбеков 24-ноябрда кызматка киришет.