"Катта" рахмат". Мирзиёев "Манас" ордени өзгөчө сыйлык болгонун айтты

Өзбекстандын президенти Шавкат Мирзиёев I даражадагы "Манас" орденин алышы өзү үчүн чоң сыймык экенин билдирди.

Ал башка өлкөлөрдөн дагы сыйлыктарды алганын белгилеп, бирок "Манас" ордени ага кубаттуулукту, ишенимдүүлүктү берерин айтты. Өзбек лидеринин айтымында, анткени эки өлкө эли эң жакын достукта.

"Бул сыйлык президентке гана берилген жок, жалпы өзбек элине берилди. Садыр Нуркожоевич сизге "катта" рахмат",- деди ал Чолпон-Атада өлкө башчы Садыр Жапаров менен чогуу өткөргөн маалымат жыйынында.