Депутат Казакбаев: "Кеп Кытай жарандарынын мыйзамсыз жүргөнүндө эмес, өкмөттүн ишинин кемчилигинде болууда"

"Кеп Кытай жарандарынын мыйзамсыз жүргөнүндө, алардын көөп кеткенинде эмес, өкмөттүн ишинин кемчилигинде болууда" деп бүгүн, 17-январда Жогорку Кеңештин жыйынында депутат Руслан Казакбаев билдирди.

"Кеп миграция саясатынын кемчилдигинде. Бул тармакта коррупция бар экенин кантип жашырабыз? Миграция кызматынын орун басары "1 квота 2 миң сом турат" деп айтты. Буга ким ишенет? Мына азыр квотаны 30 миң сомго көбөйтүү маселесин көтөрүп жатышат, ал эми чет элден келген квота 2 миң сом деп жатышат. Жаңы кодекстер ишке кирип, түкүрүк үчүн 5500 сом айып пул деп элибиз толкуп жатат. Элдин талаптары бир эле Кытай жарандары тууралуу болуп жаткан жок, кеп Кыргыз жарандарынын иштебей калганында болууда. Миграция министри, "бул ишканада кыргыздар 50 пайыз иштеши керек" деп өзгөртүү киргизбейсиңерби?!" - деди Казакбаев.

Бүгүн Бишкекте Кытай жарандарынын Кыргыз өлкөсүндө көбөйүп кеткендигине байланыштуу митинг болду. Аталган маселе ушундан улам көтөрүлдү.