"Аскарбек Шадиевдин бизнеси камакка алынганда башка эле бизнесмендер да жабыркады" деген депутат укук коргоо органдарын сындады

"Аскарбек Шадиевдин бизнеси камакка алынганда башка бизнесмендер да жабыркады. Алар жөн гана анын дүкөндөрүнө товар ташыган адамдар" деп Жогорку Кеңештин жыйынында депутат Дастан Бекешев билдирди.

"Макул, Шадиев боюнча соттун чечими бар экен. Ал эми жөн эле товар ташып жүргөн ишкерлердин товарын эмнеге алып коюшту? Алар Шадиев менен эч кандай байланышы жок, жөн гана ата мекендик өндүрүүчүлөр, бирок товарлары кайтарылып бериле элек", - деди Бекешев.

Анын айтымында, укук коргоо органдары өлкө аймагындагы бизнестин өнүгүшүнө тоскоолдук жаратууда.

"Акыркы учурда укук коргоо органдары кандай иштеп жатканын көрүп жатабыз. Албетте, алар текшерип, адамдардын укуктарын коргошу керек. Бирок акыркы учурда алар экономикалык багыттагы текшерүүлөр менен көп алектенүүдө", - деп кошумчалады Бекешев.