Супер-Инфо
super.kg видео
1 жумада 2 алтын. Кыргыздын алтын кызы Айсулуу Тыныбекова Италияда өткөн турнирде алтынга ээ болду
Италияда өтүп жаткан спорттук күрөш боюнча эл аралык турнирде кыргыз балбаны Айсулуу Тыныбекова алтын медаль утту. Финалдык беттеште Айсулуу орусиялык балбан Любовь Овчарова менен кез келип, 7:2 эсебинде утушка жетти.
62 килограммга чейинки салмак категориясындагы беттеште Тыныбекова жарым чейрек финалда Жиа Лоң (Кытай), чейрек финалда Мэйси Эллен Килти (АКШ), жарым финалда Кайла Колин Киоко Мираклды (АКШ) утуп алган.
"Matteo Pellicone" эл аралык турниринин расмий сайтында Айсулуу Тыныбекованын "Ушул жылдын башында абалым улам начарлай берди, ошон үчүн бул беттешке 100 пайызга даяр эмес элем. Финалдын алдында машыктыруучум травмамдын айынан килемге чыкпашың керек деген ойдо болуп жатты" деген комментарийи жарыяланды.
Алтын медаль үчүн беттеш 3 мүнөт 16 секундга гана созулуп, Овчарованын мурду сынып, травмага байланыштуу ал беттешти улантуудан баш тартты.
Буга чейин, 12-январда Айсулуу Түркияда өткөн күрөш боюнча эл аралык мелдештен да алтын медаль уткан. Ошентип, кыргыздын алтынга тете балбаны 1 жуманын ичинде эки алтын медалды Кыргыз өлкөсүнүн капчыгына салып берди.
Дүйнө чемпиондугундагы алгачкы алтын медалды алып келген учурдан кадр.
Алдыда Тыныбекованы Олимпиада оюндары күтүп турат...
Айсулуу Тыныбекова үчүн ушул жыл спорттук карьерасындагы маанилүү жыл. Аны алдыда Японияда өтө турган Олимпиада оюндары күтүп турат.
Айсулуу Тыныбекованын Италиядагы жеңиши
1 жумада 2 алтын. Айсулуу Тыныбекова Италияда өткөн мелдеште дагы алтын утту
8
Таазим сага.