Каныкей Кубанычбекова Олимпиадада жеңилүү ага оор болгонун айтты

"Токио-2020" Олимпиадасында спорттун ок атуу түрү боюнча катышкан Каныкей Кубанычбекова ага карата айтылган сын-пикирлерге капа болбой тургандыгын, тескерисинче аларга ыраазы экендигин айтып өттү.

"Чынында мени урушкандар туура эле урушуп жатышат. Анткени 1-орунду алсам эч ким урушпайт эле. Алар дагы татыктуу сын-пикирлерди айтып жатышат. Алардын баарына ыраазымын. Мени мыкты спортчу болсун, өссүн деп жатышат. Анын аркасында өсүүнү көрүп жатам.

Өзүм дагы утулуп калдым. Буга чейин сынактарда жеңилүү болчу, бирок аларды жеңил кабыл алчумун. Олимпиадада жеңилүү оор болду. Агайым экөөбүз тең капа болдук. Күтүлбөгөн жыйынтыкты көрсөттүм", - деди Каныкей Кубанычбекова.

Ошондой эле ал спорттун ок атуу түрү менен 2010-жылдан бери машыгып келерин кошумчалап өттү.