Лимонтинин өлүмү: Шектүү Талгат Шамиев дагы бир ирет сотко ишенбөөчүлүк көрсөттү (видео)

Бүгүн, 20-январда Бишкек шаарынын Биринчи Май райондук сотунда Лимонти каймана аты менен белгилүү болгон кримтөбөл Алмазбек Сулаймановдун өлүмү боюнча соттук отурум өтүүдө.

Сотто шектүү Талгат Шамиев соттук отурумду алып барып жаткан судьяга дагы бир ирет ишенбөөчүлүк көрсөттү.

"Сиз айыптоочу тараптын жактоочусу болуп жатасыз. Мен сизге ишенбейм", - деди Шамиев.

Эске салсак, 2020-жылдын 28-март күнү Нарында кримтөбөл Алмаз Сулаймановду өлтүрүп кетишкен. Анын өлүмүнө шектүү катары 25 жаштагы Талгат Шамиев аттуу жаран кармалган. Ал Нарын ОИИБинин имаратына киши өлтүрүп алдым деп өзү келген.

SUPER.KG порталына өздүк булактар айыпталуучу атасынын өчүн алганын билдиришкен. Талгат Шамиевдин атасы Имаш Шамиев 1997-жылы Алмаз Сулайманов тарабынан өлтүрүлгөнү маалымдалган.