Айыл чарба министрине жаңы орун басар дайындалды

Суу ресурстары, айыл чарба жана кайра иштетүү өнөр жайы министринин орун басары болуп Рустам Балтабаев дайындалды. Бул тууралуу 24-мартта министрликтин маалымат кызматы билдирди.

Ал буга чейин өлкөнүн агроөнөр жай комплексин өнүктүрүү ассоциациясынын аткаруучу директору болуп эмгектенип, тармакты өнүктүрүүгө багытталган бир катар маанилүү долбоорлорду ишке ашырган.

Жаңы кызматында ал кайра иштетүү, органика жана экспорт багыттарында иш алып барат.