Садыр Жапаров Ысык-Көл районунун жана Балыкчы шаарынын эли менен жолукту

Бүгүн, 13-ноябрда президент Садыр Жапаров Ысык-Көл районунун жана Балыкчы шаарынын тургундары менен жолугушту. Бул тууралуу президенттин басма сөз кызматынан билдиришти.

"Жолугушууда, тургундар темир жол куруу, ичүүчү суу, жол, ипотекалык турак жай жана жер талаштары боюнча маселелерди көтөрүштү. Ошондой эле уюшкан кылмыштуулукка каршы күрөштү күчөтүү өтүнүчү айтылды. Президент бул багыттагы иштер улантыларын белгилеп, тиешелүү органдарга тапшырмаларды берди",- деп кошумчалады мекеме.