Кыргызстандыктар май айынын башында 10 күн катары менен эс алышат

Кыргызстанда май айынын башында жарандарды узак эс алуу күтөт. Бул тууралуу Эмгек, социалдык камсыздоо жана миграция министрлиги маалымдады.

Анда белгиленгендей, Эмгек кодексине ылайык, май айында бир катар жумуш эмес майрам күндөрү белгиленген. Ага ылайык, 1-майдан 4-майга чейин, ошондой эле 6-майдан 8-майга чейинки күндөр май каникулдары болуп эсептелет.

Мындан тышкары, 5-май - Конституция күнү, ал эми 9-май - Жеңиш күнү болгондуктан, бул күндөр да расмий түрдө эс алуу күндөрүнө кирет.

Ал эми 10-май дем алыш күнгө туура келгендиктен, бул күнү да кыргызстандыктар эс алышат.

Ошентип өлкөдө май айынын башында жалпысынан 10 күн катары менен эс алуу мүмкүнчүлүгү түзүлөт.