Бишкекте “Мектеп лигасынын” республикалык оюндары башталды

4-майда Бишкек шаарындагы Каба уулу Кожомкул атындагы Спорт ордосунда “Мектеп лигасынын” волейбол, баскетбол жана футбол боюнча республикалык оюндарынын ачылыш аземи өттү. Бул тууралуу Дене тарбия жана спорт мамлекеттик агенттигинен билдиришти.

Маалыматка ылайык, “Мектеп лигасы” мектеп окуучуларынын спортко болгон кызыгуусун арттыруу, сергек жашоо образын жайылтуу жана жаш таланттарды аныктоо максатында өткөрүлүп келет.

Финалдык оюндар 8-майга чейин уланат.

Байге фонду:

• 1-орун - 500 000 сом

• 2-орун - 300 000 сом

• 3-орун - 200 000 сом

Бул мелдеш жаш спортчулар үчүн чоң мүмкүнчүлүк болуп, келечектеги чемпиондордун калыптанышына өбөлгө түзөт.