“Ала-Тоо Резорт” тоо-лыжа комплексинде салынып жаткан асма жолдун видеосу тарады 

Жыргалаңда курулуп жаткан ири “Ала-Тоо Резорт” тоо-лыжа комплексинин курулуш иштери уланууда.

Социалдык тармактарда курулуш жүрүп жаткан аймактан тартылган видео тарады. Анда асма жолдун кабинкаларында жумушчулар тестирлөө иштерин жүргүзүп жатканы көрүүгө болот.

Коомчулук жаратылыш кооздугу менен айкалышкан ири долбоорго кызыгуу жана суктануу менен реакция кылышууда. “Ала-Тоо Резорт” ишке берилсе, ал Кыргызстандагы эң ири туристтик борборлордун бири болуп, тоо туризмин өнүктүрүүгө чоң салым кошору айтылууда.