Алматы–Бишкек трассасында дайынсыз жоголгон жарандын үч айдан кийин жансыз денеси табылды

Алматы облусунун Жамбыл районунда ушул жылдын февраль айынын башында дайынсыз жоголгон жарандын сөөгү табылды. Бул тууралуу ыктыярчылардын Lider.kz уюму маалымдады.

Маалыматка ылайык, 1987-жылы туулган Чыңгыз Утобаев 2026-жылдын 4-февралында дайынсыз жоголгон. Ал эртең менен Жамбыл районундагы Алматы–Бишкек унаа жолунун 60-чакырымындагы унаа токтоочу жайга жеке буюмдарын таштап, белгисиз тарапка кетип калган.

Ыктыярчылардын маалыматына караганда, 12-май күнү жол курулушунда иштеген жумушчулар анын сөөгүн эл жашабаган аймактан табышкан. Ошондой эле маркумдун денесинен зордук-зомбулуктун белгилери аныкталган эмес.