Парламент БШКнын мүчөлөрүн шайлады

Бүгүн, 3-июндагы Жогорку Кеңештин жыйынында Борбордук шайлоо комиссиясынын мүчөлүгүнө сунушталган талапкерлер каралды.

Жыйынтыгында депутаттар 8 талапкерди жактырышты. Жакында кабыл алынган мыйзамга ылайык, БШКнын мүчөлөрүнүн саны 12ден 8ге кыскартылган.

Президент сунуштаган 4 талапкер:

• Алмаз Айбалаев банкир, каржы адиси жана мамлекеттик кызматкер.
• Русланбек Жакышов Жогорку Кеңештин VII чакырылышынын депутаты.
• Миргүл Темирбаева Жогорку Кеңешинин VII чакырылышынын депутаты.
• Бөдөш Мамырова Жогорку Кеңешинин V чакырылышында вице-спикер болгон.

Парламент сунуштаган 4 талапкер:

• Тынчтык Шайназаров БШКнын төрагасы.
• Сүйүнбек Касмамбетов мурдагы мамлекеттик катчы.
• Лейла Лурова Жогорку Кеңештин VII чакырылышынын депутаты.
• Тимур Оторбаев инженер адиси.