Көчмөндөр оюндары: Оштон Бишкекке көөкөргө куюлган Ак-Бууранын суусу алынып келе жатат

Дүйнөлүк көчмөндөр оюндарынын Эл аралык катчылыгы Ош шаарынан Бишкек калаасына жолго чыккан "Биримдик кербенинин" видеосун жарыялады.

Кербендин өкүлдөрү Ак-Бууранын суусу куюлган көөкөрдү борборго алып келе жатышат.

Буга чейин аталган коомдук бирикменин жетекчиси Нурсултан Аденов ар бир дубандан шайланган өкүлдөр ошол аймактагы суудан көөкөргө куюп алып, Бишкекти көздөй кербенге чыгышарын айткан. Ар бир аймактан келген суу ачылыш аземде бир көөкөргө куюлат. Жабылыш аземинде кийинки өткөрө турган өлкөгө тапшырыларын билдирген.