Өлкөгө келген туристтер жол эрежелери менен таанышууда

Өлкөбүзгө келген чет өлкөлүк жарандарга жол кыймылынын коопсуздугу, жол эрежелерин сактоо, коомдук тартипти урматтоо жана коопсуз саякаттоо боюнча түшүндүрүү иштери жүргүзүлүүдө. Бул тууралуу Жол кыймылынын коопсуздугун камсыздоо башкы башкармалыгы билдирди.

Маалымдалгандай, түшүндүрүү иштерин милиция кызматкерлери жүргүзүүдө. Анда чет өлкөлүк конокторго атайын даярдалган маалыматтык буклеттер таратылып, айдоочуларга жол кыймылынын эрежелери боюнча китепчелер берилүүдө.