Кыргызстандын каржы системасы туруктуулукту жана өсүштү көрсөттү

Кыргызстандын каржы системасы 2025-жылдын аягына чейин туруктуулукту сактап, күчтүү өсүштү жана санариптик трансформациянын ылдамдашын көрсөттү.

Улуттук банктын маалыматына ылайык, тышкы экономикалык кыйынчылыктарга жана аймактагы инфляциялык басымга карабастан, жүргүзүлгөн акча-кредит саясаты инфляцияны бир орундуу деңгээлде кармап турууга мүмкүндүк берген.

Маалыматта белгиленгендей, базалык инфляция 6,6 пайызды, жылдык инфляция декабрда 9,4 пайызды түздү. Орточо жылдык инфляция 8,2 пайыз деңгээлинде сакталып калды.

Ошондой эле өлкөнүн эл аралык резервдери олуттуу өсүштү көрсөттү. 2024-жылга салыштырмалуу 69 пайызга көбөйүп, 8,6 миллиард долларга жетип, тарыхтагы эң жогорку деңгээлди түздү.

Адистер бул көрсөткүчтөр Кыргызстандын макроэкономикалык туруктуулугун чыңдоонун негизги фактору экенин белгилешет.