Депутат Таласта сууга агып кеткен өспүрүмдү издөөгө аскерлерди тартууну суранды

Жогорку Кеңештин депутаты Дастан Жумабеков Таласта сууга агып кеткен 8 жаштагы өспүрүмдү издөөгө аскерлерди тартууну суранды. Бул тууралуу эл өкүлү парламенттин 25-июндагы жыйынында сөз кылды.

Айтымында, баланы 23-июндан бери ӨКМ, милиция кызматкерлери, аймактагы жаштар издеп жатышат.

"Мүмкүн болсо чек ара кызматынын аскерлерин издөө иштерине тартсак. Издөө иштерин ыкчамдатсак. Киров суу сактагычына чейин кетип калса, ал жактан издеп-табуу кыйын болуп калат",- деди депутат.

Эске салсак, өспүрүм Талас районунун Чоң-Токой айылындагы Талас дарыясына түшүп кеткен. Издөө иштерине бүгүн жалпы 127 адам тартылган.