Өкмөт башчы жаңы баш прокурор менен УКМК төрагасын тааныштырды

Министрлер кабинетинин төрагасы Адылбек Касымалиев башкы прокурордун убактылуу милдетин аткаруучу Малик Бектургановду жана УКМКнын төрагасынын милдетин аткаруучу Максат Асаналиевди эмгек жамааттарына тааныштырды. Маалыматты өкмөттүн басма сөз кызматы таратты.

Айта кетсек, кечээ, 30-июнда кадрдык өзгөрүү орун алган. Асаналиев баш прокурор кызматынан бошотулуп, УКМКнын төрагалык кызматына барган. Анын орндуна баш прокурорлукка буга чейин баш прокурордун биринчи орун басары болуп турган Бектурганов келген.