Аялдарды өлтүргөндөрдү өмүр бою абакка кесүү сунушталды

Аял кишилерди өлтүрүүгө күнөөлүү деп табылгандарды өмүр бою абакка кесүү жана анын мүлкүн конфисикациялоо сунушталды. Жогорку Кеңештин депутаты Бурул Аманова иштеп чыккан мыйзам долбоору парламенттин сайтындагы коомдук талкууга коюлду.

Документте аял кишини өлтүрүү, аны өзүн-өзү өлтүрүүгө жеткирүү сыяктуу кылмыштар үчүн жогорку жаза чегерүү каралган. Ошондой эле аял кишини өзгөчө оор кылмыш менен өлтүрүүгө күнөөлүү деп табылгандарга мунапыс берилбөөсүн сунуш кылат.