Оштун мэри базарда башка сатуучулар тарабынан жабыркаган дыйканды кабыл алды (видео)

Ош шаарынын мэри Жанарбек Акаев базарда башка соодагерлер тарабынан кол салууга дуушар болуп, кулпунайлары чачылган дыйканды жеке кабыл алды.

Мэр кайсы аймакта, кандай учур болбосун өз эмгеги менен дыйканчылык кылып жаткан жарандарды колдоо керектигин билдирип, агрессивдүү жүрүм-турумдар коомдук жайларда болбошу керектигин айтып, сынга алды.

Ошондой эле жаңы базардын жетекчисине тапшырма берилип, жаңы соода орундугу бөлүнүп берилди.

Белгилей кетсек, шаардык милиция дыйканга кол көтөргөн сатуучулар кармалып, териштирүү жүрүп жатканын билдирди.