Супер-Инфо
super.kg видео
Өлкөдө мындан ары батирлердин пайдубалы түптөлмөйүнчө сатууга уруксат берилбейт
Кыргызстанда батирлердин жана коммерциялык жайлардын курулушунун "нөл цикли" толук аяктагандан кийин гана сатууга уруксат берилет. Бул тууралуу бүгүн, 4-ноябрда Курулуш министрлигинен маалымдашты.
Маалыматка ылайык, имараттын пайдубалы түптөлүп, жер алдындагы курулуш иштери толук аяктагандан кийин гана объектти жарнамалоого, сатууга жана келишим түзүүгө болот.
Ошондой эле министрлик белгиленген талаптарды бузуп, жарнама жайгаштырган жана сатууну баштаган тараптарга мыйзам чегинде чара көрүлөрүн эскертет.
"Бул чара жарандардын каражатын жана укуктарын коргоого, курулушу толук кандуу баштала элек объекттерге каражат салуудан келип чыгуучу тобокелдиктерди азайтууга багытталган",- деп белгиленет маалыматта.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
20:22
2026-11-04
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.