Айрым аймактарда кошумча дем алыш күндөрдү белгилөө боюнча жарлыкка кол коюлду

Президент Садыр Жапаров "Айрым аймактарда кошумча дем алыш күндөрдү белгилөө маселесин убактылуу укуктук жөнгө салууну киргизүү жөнүндө" жарлыкка кол коюлду.

Документке ылайык, 2026-жылдын 15-июлунан тартып 2027-жылдын 1-июлуна чейин өкмөт тиешелүү жергиликтүү өз алдынча башкаруу органдары менен макулдашуу аркылуу эл аралык жана мамлекеттик ички иш-чараларды өткөрүү үчүн зарыл болгон учурларда же өзгөчө жагдайларда айрым аймактарда кызматкерлердин бир күндүк орточо эмгек акысын сактоо менен дем алыш күндөрдү белгилейт.

Министрлер кабинетине аталган чечимдердин колдонулушу жайылтылуучу аймактардын жергиликтүү бийлик менен тиешелүү чечимдердин долбоорлорун макулдашуу тапшырылды.

Эмгек министрлигине 2027-жылдын 1-февралына чейин жарлыктын ишке ашыруунун алдын ала натыйжаларына мониторинг жүргүзүү жана ал оң бааланган учурда 2027-жылдын 1-мартка чейин тиешелүү долбоорлорду иштеп чыгуу жана белгиленген тартипте Министрлер кабинетинин кароосуна киргизүү милдеттендирилди.