Көчмөндөр оюндары өтүүчү жайларга алып баруучу жолдор жаңыланууда

Ысык-Көлдүн аймагында Көчмөндөр оюндары өтүүчү объекттерге жана эс алуу жайларына алып баруучу негизги жолдордо оңдоо иштери жүрүүдө. Бул тууралуу Транспорт жана коммуникациялар министрлиги билдирди.

Маалымдалгандай, Чолпон-Ата шаарындагы "Алма-Ата" мейманканасына баруучу жолго асфальт төшөлүп, пайдаланууга даяр болуп калган. Ал эми Чолпон-Ата, Кара-Ой, Сары-Ой, Корумду айылдарындагы жана Садыр-Аке, Шайбек-Ата айыл аймактарындагы бир катар жол тилкелеринде асфальт төшөө жана оңдоо иштери уланууда.