Кескелдириктер рактын алдын алууда жардам бериши мүмкүн

Бүгүн, 17-июлда чет өлкөлүк маалымат каражаттары окумуштуулар кескелдириктердин бир түрү болгон геккондорду изилдеп, рак оорусуна байланыштуу генетикалык өзгөрүүлөрдү аныкташканын жазышты.

Изилдөөдө ачык сары түстөгү Lemon Frost морфасындагы леопард эублефарларынын болжол менен 80 пайызы агрессивдүү шишиктерге чалдыгары аныкталган. Генетикалык анализ алардын организминдеги өзгөрүүлөр адамдагы рак ооруларынын өнүгүү механизмдерине окшош экенин көрсөткөн.

Окумуштуулардын айтымында, бул кескелдириктер рак оорусунун пайда болушун жана жайылышын изилдөө үчүн маанилүү биологиялык модель болуп бере алат. Мындай изилдөөлөр келечекте ооруну эрте аныктоо жана дарылоонун жаңы ыкмаларын иштеп чыгууга жардам бериши мүмкүн.