Жогорку Кеңеште күрд диаспорасынын өкүлдөрү менен жолугушуу өттү

22-июлда Жогорку Кеңештин депутаттары Чолпон Эсенаманова жана Гүлжан Сатиева Кыргызстандагы күрд диаспорасынын төрагасы Рамазан Сеидов жана өлкөгө мейман катары келген Исмаил Камиль менен жолугушту. Бул тууралуу аталган мекмеден билдиришти.

Маалыматка ылайык, жолугушууда этностор аралык ынтымакты чыңдоо, маданий-гуманитардык кызматташууну өнүктүрүү жана коомдук демилгелерди биргелешип ишке ашыруу маселелери талкууланды.

Депутаттар Кыргызстанда 90дон ашуун улуттун өкүлдөрү тынчтыкта жана ынтымакта жашап жатканын белгилеп, Жогорку Кеңеш мамлекеттик органдар менен диаспоралардын кызматташтыгын бекемдөөгө жана бул багыттагы демилгелерди колдоого даяр экенин билдиришти.

Ал эми Рамазан Сеидов күрд диаспорасынын ишмердүүлүгү тууралуу маалымат берип, анын өлкөнүн коомдук, маданий жана экономикалык өнүгүүсүнө кошуп жаткан салымы жөнүндө айтып берди.