“Манас” аэропортундагы оңдоп-түзөөлөр боюнча маалымат берилди (видео)

“Манас” эл аралык аэропортуна алып баруучу жаңы жолдун бир бөлүгү пайдаланууга берилди. Бул тууралуу “Кыргызстан аэропорттору” ишканасы маалымдады.

Маалым болгондой, учурда негизги жол оңдолуп жаткандыктан, унаалар аэропортко жана шаарды көздөй убактылуу Васильевка тракты аркылуу эки тараптуу каттап жатат.

Мындан тышкары, жаңы ачык унаа токтотуучу жайлар, кызматтык унаалар, таксилер жана автобустар үчүн өзүнчө токтоочу аймактар ачылды.

"Жакынкы аралыкта беш кабаттуу жабык унаа токтотуучу жай ишке берилип, ал терминал менен жабык өтмөк аркылуу туташтырылат. Бул өзгөрүүлөр аэропорттогу транспорттук кыймылды жеңилдетип, жүргүнчүлөр үчүн ыңгайлуу шарттарды түзөт",- деп белгиленди маалыматта.