Бир жумада өлкөдө дээрлик 24 миң жол эрежесин бузуу фактысы аныкталды

Кыргызстанда 17-июлдан 23-июлга чейин алдын ала маалымат боюнча 23 миң 735 жол эрежесин бузуу фактысы катталган. Бул тууралуу Жол кыймылынын коопсуздугун камсыздоо башкы башкармалыгы билдирди.

Маалыматка ылайык:

• тийиштүү документтери жок унаа башкаруу – 4 619;
• мас абалында унаа башкаруу – 429;
• автоунаанын терезелерин мыйзамсыз караңгылатуу – 222;
• жөө жүргүнчүлөр тарабынан жол эрежесин бузуу – 924;
• транспорт каражаттарын пайдалануу эрежелерин бузуу – 4 451;
• автоээнбаштык – 22;
• белгиленген ылдамдыкты ашыруу – 1 226;
• жасалма мамлекеттик номер менен унаа башкаруу – 11;
• башка жол эрежелерин бузуу – 8 614.

Мындан тышкары, жол эрежелерин бузган 3 миң 217 автоунаа айып короо жайына токтотулган.