Учактарда кыргыз тилинде маалымат берүү милдеттендирилди

Өлкө аймагында каттамдарды аткарган бардык авиакомпаниялар, анын ичинде эл аралык авиакомпаниялар кыргыз тилинде маалымат берүүгө милдеттендирилди. Бул тууралуу "Кыргызстан аэропорттору" ишканасы билдирди.

Маалыматта ошондой эле мамлекеттик тилден тышкары англис, орус жана башка тилдер да колдонулары айтылат. Бул талап учуу коопсуздугуна, учактын учуп чыгышына, конуусуна, өзгөчө кырдаалдардагы аракеттерге жана жүргүнчүлөр үчүн маанилүү болгон башка маалыматтарга байланыштуу бардык жарыяларга жайылтылат.