"Миллиениалдар нес абалда". Балдардын самоорго суу куюп жаткан видеосу талкууда (видео)

Казакстанда кичинекей балдардын самоорго суу куюп жаткан учурунун видеосу социалдык тармактарда кызуу талкууга түштү.

Видеодон балдардын бирөөсү самоордун от жагылуучу бөлүгүнө идиш менен суу куюп, аны толтура албай убара болгону көрүүгө болот. Бир топ арекеттерден кийин алардын бири самоордун суу куюлуучу жерин тапкан. Автор бул көрүнүштү тамаша иретинде "Альфа мууну" деп атап, ал эми миллиениалдар мындай көрүнүштү көрүп таң каларын жазган.

Кадрлар интернет колдонуучуларын күлдүрүп, айрымдары балдардын самоордун түзүлүшүн билбей калганын талкуулашкан.