Темир жолдун Кочкор бекети ишке кирди

Балыкчы – Кочкор темир жолу курулуп, Кочкор бекети ишке кирди.

"Кыргыз темир жолу" ишканасынын маалыматы боюнча, Кочкор темир жол бекетинин инфраструктурасынын курамында көмүр кампасы, жабык жүк кампасы жана контейнер аянтчасы курулган. Анда ар кандай жүктөрдү кабыл алуу, сактоо, жүктөө жана түшүрүү иштери жүрөт.

Мындан тышкары, бекет поезддердин кыймылын башкарууну жана бүтүндөй бекеттин ишинин коопсуздугун камсыз кылган заманбап микропроцессордук борборлоштуруу системи менен жабдылган.