Мирзиёев Кыргызстанга болгон сапарын тарыхый деп баалады (видео)

Кечээ, 2-августта Өзбекстандын президенти Шавкат Мирзиёев Кыргызстанга болгон мамлекеттик сапары боюнча социалдык тармактагы расмий баракчасында билдирүү жасады.

Анын айтымында, бул сапар боордош Өзбекстан менен Кыргызстанды союздаштык мамилелер аркылуу дагы бекем байланыштырды. Ошондой эле Борбор Азия өлкөлөрү менен Азербайжандын ортосундагы кызматташтык жаңы демилгелер менен толукталганын айтты.

Президент мамлекеттер ортосундагы өз ара ишенимди жана аймактык кызматташууну мындан ары да чыңдоо маанилүү экенин белгиледи.